-Aurrera begira-

Hautaketa ona

2011-12-06T08:39:00.001-08:00

Orain arteko sarrerak kontuan edukita, ikus daiteke gazteen inguruan hainbat gai daudela jorratzeko, horregatik, gai egokia hautatu dudala uste dut nire bloga aurrera eramateko. Hala ere, gai honetan egunean gehiago sakontzen joan naizen bitartean, konturatu naiz hainbat gauza aldatu beharko liratekeela gure gizartean eta oso egoera arriskutsuetara heltzeko puntuan daudela gazte asko. Horretarako, denok esfortzatu behar gara, belaunaldiz belaunaldi ohitura egokiak transmititu daitezen eta, gutxinaka- gutxinaka, ohitura txarrak albo batera utz ditzagun.

Ez dut inoiz blog hau bezalakorik erabili eta, egia esateko, asko gustatu zait. Ez nuen uste horrelako lanik egiteko gai nintzenik, baina ikusi ahal izan dut aurrera eramateko gai izan naizela. Horregatik, erabaki dut blog honekin jarraituko dudala, beste gai batzuk sakontzen ditudalarik, gazteena barne.

Agur!

Gazteen agresibitatea

2011-12-06T05:22:00.001-08:00

Ume eta nerabe madrildarrak oldarkorragoak dira gero eta telebista gehiago ikusten baldin badute eta gero eta denbora gehiago ematen badute bideojokoen edo ordenagailuaren aurrean. Hori kontuan izan gabe bideojokoak oldarkorrak diren edo ez.

Madrilgo Unibertsitate Complutenseko psikologo talde batek komunitateko 22 eskoletako 9 eta 16 urteko 2.322 gazteei inkesta pasatuz, egin dituzten ikerketa guztietatik, lortutako emaitzarik harrigarriena da.

Ikerketa honek dioenez, agresibitate maila altuagoa da mutiletan nesketan baino, hala ere, azken horiek haserre maila altuagoa izaten dute. Adina kontuan izanda, nerabeak (14-16) indarkeria gehiago garatzen dute txikiek baino (9-11).

Gainera, azterketak dioenez, oraindik nerabezarora heldu ez direnen %72,6-ak egunero 2 ordu edo gutxiago ikusten du telebista eta, une berean, nagusien %81,8-ak 2 ordutik gorako epea erabiltzen dute ekintza hori egiteko.

Okerrena zera da: nerabeen %81-ak ez duela inolako araurik jarraitzen beraien etxean, beraz, askatasun osoz ikus dezakete telebista.

Azkenik, nerabeen %51-ak eta aurre-nerabeen %43-ak aitortu du ez duela inoiz irakurtzen. Esan beharra dago, irakurketari eta etxerako lanak egiteari denbora ematen dietenek, agresibitate maila baxuagoa erakusten dutela gainerakoek baino. Hala ere, eginbeharreko horiekin 3 ordu baino gehiago ematen dutenei, agresibitatea oso azkar igotzen zaie.

Normala iruditzen zaizue egoera hau XXI. mendean? Kontrol minimo bat izan beharko lukete gazteek, bestela, oso arriskutsuak izan daitezkeen egoeretara heldu gaitezke.

Ondo segi!

Gaitasunen galera

2011-12-05T14:21:00.001-08:00

Nerabezaroan,urtero, gaitasunen %2-a galtzen da.

Interneten informazioa bilatzen ari nintzela, horixezioen aurkitu dudan artikulu batek. Urtean gazteek dituzten gaitasunen zati batgaldu egiten dituztela arrazoi batzuengatik. Horietako batzuk, interneta,telebista eta bideojokoak direla dio. Nerabezaroak sei urte irauten dituelakontuan izanda, %12-a galtzera heltzen direla ziurtatzen du.

Dirudienez, Stanfordeko Unibertsitateak eginikoikerketa batek erakutsi zuen aurretik esandakoa eta, gainera, galera horiaurrealdeko eta entzumen-motoreen eremuetan gertatzen dela egiaztatu zuten.

“Gazteen gehiengoak, garuna gero eta gutxiagoerabiltzen du eta, hori dela eta, gaitasunen galera hori gertatzen da. Hau ezda batere onuragarria, baina hobetuko delakoan ez zaie gehiegizko atentzioajartzen eta, kasu batzuetan, esfortzu txikiena ere alde batera uzten dute, halanola, irakurtzea. Horrekin batera, telebistaren, ordenagailuaren etabideojokoen gehiegizko erabilerara pasatzen dira” ziurtatu zuen AsdrubalAlmazán medikuak, Talentuaren Laguntzarako Zentroko zuzendaria, CEDAT (Centrode Apoyo al Talento).

Agur!

Gazteen erraztasunak

2011-12-05T10:00:00.001-08:00

Gaur egun, gazteak dira gizartearen atentzio puntua eta,beraz, euren ohiturak eta jokaerek gainontzekoei eragiten diete, ohitura horiekboterean jartzen direlarik.

Hainbat arrazoi daude horren atzean:

Gazteen botere ekonomikoa sekulakoa da, eurek dira kontsumitzaileprintzipalak hainbat produktutan. Eurek izaten dira produktu deigarrietan diruagastatzen dutenak.

Gazteen eskariakgarrantzitsuak bilakatu dira gizartean eta euren ekintzak komunikazio bideetanzabaltzen dira.

Esan daiteke, antzinako nerabezaroa gaur egungoarekin konparatutaoso desberdina zela:

Gazteak gaur egun oso arin prestatzen dira bizi direnbizitzara moldatzeko, gaur gehiago irakurtzen da eta gehiago ikasten da guregurasoen nerabezaroan baino.

Helduei baino gutxiago kostatzen zaie gauza berriakegitea, lehenengoek jada euren bizitza eginda baitaukate.

Guzti hori kontuan izanda, aprobetxatzea da eginbeharreko lehenengo gauza. XXI. mendean ditugun erraztasunak kontuan edukita,pertsonek prestakuntza egokia jasotzea ezinbestekoa da.

Gai honi buruz zerbait gehiago jakin nahi baldin baduzue, hementxe uzten dizkizuet web orrialde batzuk:

http://www.cnnexpansion.com/midinero/2007/7/13/bfcuanto-cuesta-el-consumo-adolescente
http://gestion.pe/noticia/457982/57-adolescentes-gasta-su-dinero-vestirse

Hurrengora arte!

Indarrak batzeko...

2011-12-01T09:37:00.001-08:00

Zerk lagun gaitzake indarrak batzen? Musika laguntza paregabea izan daiteke ikasketen garaian, barneak indartu eta poztu egiten baitizkigu! Hemen uzten dizkizuet kanta polit batzuk, ea denon artean indarrak batzen ditugun!

Ondo segi!

Galdu ezin dugun adorea

2011-11-30T11:05:00.001-08:00

Gazteak jabetzen al dira egungo egoera sozial eta ekonomikoaz? Askok ikasketak bukatu gabe dituela ihesari ematen dio, eskolatik ahalik eta urrunen joan ahal izateko, esfortzu gehiegi egin gabe bizitzan aurrera egiteko, baina posible al da ikasi gabe eta lanik egin gabe aurrera egitea? Ametsetako irla batean galtzea eta arazoez betiko urruntzea? Ez antzina ezta XXI. mendean ere. Gauzak lortzeko, lehenik eta behin, esfortzua mahai gainean jartzea beharrezkoa da.

Hezkuntzan aurrera eginez gero, gero eta ezagutza gehiago barnera ditzakegu, horrela, errealitateko oztopoei aurre egitea errazagoa egiten zaigularik. Horrek azalpen argi bat dauka, ikasketak baldin baditugu, irtenbideak topatzea lan arinagoa suertatzen zaigu, hainbat arazo eta egoera landu baititugu. Horrez gain, lan bat aurkitzea zaila izanik, ezer egin ezean ez dugu aukerarik izango bizi bat aurrera eramateko. Bestalde, hezkuntzan sartzen baldin bagara eta gustuko dugun zerbaitetan murgiltzeko prest bagaude, biziari zentzu bat aurkituko diogu eta, ondorioz, arazo potolo eta ez hain potoloei aurre egiten ikasiko dugu.

Horrekin zer esan nahi dudan galdetuko diezue zuen buruari. Hezkuntza gure bizitzan ezinbestekoa dela eta, sarritan, ezinezkoa edo gogorregia iruditu arren, barneko indar guztiak batuta aurrera egin behar dugula. Gazteak, hori zuentzat doa!

Agur!

Mundu inperfektua

2011-11-23T12:46:00.001-08:00

Ikus dezakegunez, hezkuntzan aurrera egitea ez da ume guztiek lor dezaketen prozesu bat, konplexua da eta familia askok ez dute euren seme-alaben ikasketak ordaintzeko baliabiderik izaten. Argi dago gure gizartea ez dela perfektua eta bizi ahal izateko premiazkoena dirua dela. Baina hori ez litzateke horrela izan behar, beste baliabide batzuekin lortu beharko genituzke horren garrantzitsuak diren gauzak, hala nola, janaria, hezkuntza, … Ez litzaizueke bestelako mundu bat gustatuko? Dirua beharrean, norberak eskuragarri dituen gauzak gainontzekoekin trukatuz, nahi dena lortzeko gai izango litzatekeen mundu bat? Niri bai, duda barik!

Ametsetako mundu horretan, esfortzua ezinbestekoa litzateke aurrera egiteko, edonon bezalaxe, denok baitakigu inon ez direla gauzak oparitzen, baina gure artean ez litzateke horrenbesteko estresik, ezinegonik, tristurarik, … nabarituko. Umeak eskolara joango lirateke, gurasoak lanera, … dena berdin litzateke, diruaren kontua izan ezik. Benetan kezkatzen nauen kontu bat da hori eta galdera asko egiten dizkiot nire buruari egunean zehar. XXI. mendeko ekonomia doan bezala joanda, nolakoa izango da gure etorkizuna? Bizitza hau lortzearren gabiltza horrenbeste lan egiten? Ez da zilegi! Beraz, nik mundu justuago bat proposatzen dizuet. Eskola batera sartu nahi duen pertsonak, garbiketa ordu batzuk egin ditzala eskolan, gizarte-laguntza batzuk bete ditzala egunean zehar eta ordainketa gisa, hezkuntza duin bat lor dezala.

Gaur egun, familia asko eta asko daude hondamendiaren bidean galduta, ez dute dirurik euren etxea ordaintzeko, janaria erosteko ere ez, beraz, ez dute ganoraz elikatzeko beste dirurik izaten eta are gutxiago beraien umeen ikasketak ordaintzeko. Ez al lukete ume guztiek eskubide bera izan behar ikasketa minimo batzuk edukitzeko? Etorkizunean euren interesak asetzen dituen lan bat lortzeko?

Sarrera honekin alaitasun pixka bat eman nahi diot nire blogari, denok pentsatu behar baitugu mundu hobe bat sor dezakegula. Argi dago proposatu dudan mundu perfektua ez dugula inoiz lortuko, baina denok gure eskuak batu behar ditugu lanari ekiteko, eta mundu berri bat eraikitzeko!

AURRERA BEGIRA lortzen dira nahiak.

Agur!

Dislexia

2011-11-21T03:44:00.001-08:00

Kaixo!

Aurreko sarreran jarri nuen bezala, gazte guztiak desberdinak dira, horregatik, gaurkoan ere gazte batzuek duten gaitzaz hitz egingo dut, dislexiaz, hain zuzen ere.

Irakurtzea zeregin erraz eta automatikoa izan daiteke zailtasunik ez duten pertsonentzat. Baina irakurtzeak sekulako esfortzua eskatzen dio gure garunari, horregatik, ez gaitu horrenbeste harritu behar ikasle bati kostatzen baldin bazaio. Datu batzuek diotenez, Estatu Batuetako biztanoleriaren %15-20ak pairatzen du irakurketarekin lotutako gaitza, hau da, dislexia. Azken hori eskoletako arazo nagusia izaten da. Arazo hori eduki ezkero, eta denbora luzean tratamendurik jasotzen ez badu, umea frustrazio eta segurtazun eza sentitzera hel daiteke.

Normalean, dislexia 4-6 urte bitartean diagnostikatzen da. Zailtasuna nabaritzen lehena irakaslea izaten da, hala ere, psikologo batek egin behar izaten du horren diagnostiko egokia. Esan beharra dago, kasu batzuetan dislexia ez dela horren nabarmena izaten eta beranduagoko fase batean nabaritzen hasten dela, hala nola, sintaxia edo gramatika ikasten hasten direnean. Dislexikoek ondokoak egiten izan ditzakete zailtasunak:

Errimak egiten edo zenbakiak eta letrak aipatzen edo beste sekuentzia batzuk.
Helbideekin, ezkerra, eskuina, goian, behean, etab.
Mapak irakurtzen.
Objektuen izen egokiak gogoratzen.
Telefono zenbakiak memorizatzen.
Denbora mugatudun esleipen edo probak egite.

Normalean, hezkuntza- arduradunek zera nabaritzen dute:

Hauxe egiten dute arazoari aurre egiteko:

Ondorioetako batzuk hauek izan daitezke:

Gaitz honen tratamendurako, irakurketaren ikaskuntzarako estrategia bereziak irakazteko gai den irakasle edo tutore espezializatu bat ezinbestekoa da. Gainera, familiaren laguntza beharrezkoa da tratamendu horretan, horrela, umeak motibazio eta afektibitateak on egingo dio. Horrez gain, umeen denboraren zati bat eurengan segurtasuna emango dieten ekintzetan zentratu behar dute, besteak beste, kirolak, hobbiak, arte plastikoa, arte dramatikoa, etab.

Ume hauek klasean atentzio berezia jaso behar dute, gauza berriak azaltzeko momentuan behin eta berriz errepikatu behar zaie, horrela, umeak motibatu egingo direlarik. Horiek ebaluatzeko momentuan, besteekin ez konparatzea ezinbestekoa izaten da.

Dislexia ume askok garaitu dute eta, horrekin batera, irakurketa perfektua garatzea ere lortu dute.

Ondoren, dislexiari erreferentzia egiten dion bideo bat utziko dizuet. Espero dut gaurko sarrerari amaiera egoki bat ematea.

Agur!

Down sindromea

2011-11-18T02:28:00.001-08:00

Egunon!

Argi dago mota askotako gazteak daudela munduan, argiak, gehiago kostatzen zaienak, hiperaktiboak, down sindromedunak, dislexikoak, … Gaur, down sindromea hezkuntzarekin erlazionatuko dut, pertsona horiek dituzten zailtasunak eta integratzeko dituzten arazoak aipatuko ditudalarik.

Down sindromea asaldura genetikoa da eta bere ezaugarri nagusiak adimen atzerapena eta bereizgarri fisiko bereziak dira. Antzina, gizarteak baztertu egiten zituen gaitz hori pairatzen zuten umeak, ondorioz, azken horiek ez zuten aukerarik izaten gainerako ikasleen bizitza bezalakoa izateko. Zorionez, XXI.mendean jada, down sindromedunek ez dute horrenbesteko gutxiespenik jasan behar izaten.

Down sindromea duten umeek ezaugarri fisiko berak izaten dituzte, hala nola, aurpegi-profil laua, txinatar-erako begiak, belarri txikiak, tolestura bakar bat esku-azpien erdialdean eta mingaina lodiagoa.

Gaitz honek gaitasun kognitiboetan eragiten du. Hala ere, gainerako gazteek baino zailtasun gehiago izan arren, ume hauek ikasi ahal dute eta ikasi egiten dute, baina beste erritmo batera. Ikasgelan beharrezkoa duten denbora eman behar zaie eta eurentzako bereziki irakasle bat eduki behar dute eskura.

Bideo horrekin agurtzen zaituztet.

Hurrengora arte!

Hiperaktibitatea

2011-11-17T11:07:00.001-08:00

Kaixo!

Behin eta berriz aipatzen ari naiz eskola porroteneragileak asko direla; influentzia txarrak, gurasoengandik atentzio falta,irakasleen formazio eza, … baina ahaztu ezin diren eta horren ohikoak ez direnbestelako arazo batzuk ere badaude: hiperaktibitatea, down sindromea, dislexia,…

Gaurko sarreran hiperaktibitateari buruz hitz egingodut, beti interesatu zaidan gai bat da eta gai honetan sakondu ezkero, helmugainteresgarri batera helduko naizela argi daukat.

Entzunda daukadanez, umeen %5-7 ak hiperaktibitateadauka. Gaixotasun honek, ondorio negatiboak izaten ditu umearengan eta depresioraeraman dezake. Txikitan izan ezkero, nagusien %60ak sufritzen du osasun-arazohau berriz, ondorioz, euren lanean zailtasunak izaten dituzte eta baitabesteekin komunikatzeko gogo falta ere.

Gaitz honek eraginda, pertsonak jarrera oldarkorraizaten du, gehiegizko aktibitatea eta motibazio eta atentzio falta.Integratzeko arazoak ere izaten dituzte, lan bat aurkitzeko arazoak eta horiekmantentzekoak ere bai, drogak kontsumitzeko eta auto istripuak izateko aukeragehiago, …

Chicagoko eta Pittsburg-ko Unibertsitatean eginiko eta Archives of General Psychiatry-n argitaratutakoikerketa batek zioenez, hiperaktibitatea pairatzen duten umeek sufritzen ezdutenek baino hamar aldiz posibilitate gehiago dituzte depresioa sufritzekoeuren nerabezaroan eta baita suizidiora bultzatuak izateko ere.

Gaur egun, ez dago gaitz hau sendatzeko modurik, halaere, bere sintomak kontrolatzeko tratamenduak badaude eta horiekin lan egiteabeharrezkoa izaten da gaixoaren eta bere familiaren bizi-kalitatea hobetu ahalizateko.

Ezinbestekoa izaten da hiperaktibitatea lehen-bailenantzematea, bestela, inguruko pertsonek gaixoa baztertzea gerta daiteke.

Eskola porroten eragileak: irakasleen formazioa

2011-11-11T03:16:00.001-08:00

Aupa!

Gaurkosarreran irakasleen formazioari buruz hitz egingo dut eta horrek ikasleenhezkuntzarekin duen erlazioan sakon arituko naiz.

Gauregungo irakasleak ondo formatuta daudela uste al duzue? Hezkuntzan sartu berridiren teknologiak kontuan izanik, gai al dira ikasleei hezkuntza maila egokiatransmititzeko?

Teknologia berriak aurrerakuntza nabarmena dira ikasketa alorrean, bainaargi dago ez direla hezkuntzaren helburuak asetzen gela batean ordenagailuaketa internet konexioak jartzearekin soilik, horien erabilera egokia lortu ahalizateko, irakasleen laguntza ezinbestekoa baita. IKT-a aspalditik dago gure artean, horregatik, hezkuntza sistema aldatzeagizartearen lehentasunetako bat izan beharko litzateke, XXI. mendeanbeharrezkotzat jotzen baitira mugikorrak, interneterako sarbideak, telebistadigitalak, …

Europa, Espainia eta Euskal Herri mailan, hainbat programa abian jarri diraeta guztiek antzeko xedeak izan dituzte: eskolak informatikoz hornitu hardwareedo software aldetik; lanean dauden irakasleakteknologien ezagutzan hezi eta ordenagailuak, internet- a eta multimediakerabiltzeko esperientzia didaktikoak garatu.

Denbora baino ez da falta izan konturatzeko ez direla horren arrakastatsuakizan eskoletako aplikazio berri horiek eta horren atzean hainbat arrazoi daude:baliabide falta, burokrazia administratiboaren akatsak, irakasleriarenprestakuntza eza, … Horregatik, ezinbestekoa da, lehenik eta behin,irakasleek erabili beharko dituzten baliabideen berri izatea. Irakasleek ezbaldin badakite klase bat nola antolatu, ordenagailua pizten ez dakitelako,kainoiaren funtzionamendua konplexuegia delako, ... ikasleek ziztu bizian galdezakete haria, azken horiek klase dinamikoak eta lehenagotik prestatutadaudenak behar baitituzte. Hori horrela izanda, ikus dezakete irakasleakbadakiela zer egiten ari den eta ez duela inola ere klasea etengo.

Hori lortu ahal izateko, kurtsoa hasi baino lehen, irakasleei ikastaro bateman beharko litzaiekeela uste dut, ikastetxeko baliabide berrienfuntzionamendua irakatsi ahal izateko.

Noizbait lortuko al dugu hezkuntza perfektua?

Ondo segi!

Eskola porrota

2011-11-09T09:19:00.000-08:00

Arratsaldeon!

Ikus dezakezuenez, pixkanaka-pixkanaka bloga betetzen ari naiz, eta baita bere erabilpena ulertzen ere. Oso lagungarria izan da bakoitzak nahi duen gaia aukeratzeko eskubidea, mintzagaiari buruz interesa izanez gero, lan egitea beti errazagoa baita. Gaur eskola porrotari buruz hitz egingo dut, nortzuk dira horien arduradunak?

Ikasgela batean mota guztietako gazteak topa ditzakegu, argienetatik hasita, gehiago kostatzen zaionera heldu arte. Euren artean elkarreragin jarraitu bat egotea ezinbestekoa da, bestela, asko eta asko hezkuntzaren bidean atzeratuta geldituko baitira. Talde nahastuak sortu behar dira eta, horretarako, beharrezkoa baldin bada irakasleak horiek burutzea, hala izan beharko du; adibidez, lauko taldeak sortu nahi baditugu, hurrengoaren antzeko eskema jarraitu beharko litzateke gelan: Ikasle argiak --> A; Gehiago kostatzen zaien ikasleak --> K; Maila estandarreko ikasleak --> E:

1. TALDEA: A + K + E + K

2. TALDEA: A+ E + K + E

3. TALDEA: A + E + A + K

. . .

Horrekin esan nahi dudana zera da: ikasleei utzi ezkero taldeak osatzen, gehienetan, hoberen eramaten direnekin jesarriko dira, nahiz eta lan eskasa geratu zaiela jakin. Horregatik, irakaslea ere ikasleekin etengabeko elkarreraginean egon behar da. Beraz, gelako dinamikan, gaia irakaslea ta ikaslea behin eta berriz euren artean kontaktuan ibiliko dira.

IKASLEA <-----------GAIA-----------> IRAKASLEA

Eskola porrotak, gaur egun, oso ohikoak izaten dira, ikasleak desmotibatuta, gogo gabe, ... egoten direlako. Baina zein ote da horien benetako errudunak? Ikaslearen inguru zuzena, hain zuzen ere; familia, irakasleak, lagunak, ... Ikasleei txikitatik erakutsi behar zaie ona eta txarra zer den, zer egin behar eta egin behar ez duten. Bestela influentzia txarretara elkar daitezke. Lagunak eskola-porrotaren eragile zuzenak dira, dudarik gabe, hala ere, familiek ere, askotan, eragin izan dute. Seme-alabei ez dietenak atentziorik prestatzen, euren interesei buruz ez dietenak galdetzen, ... jokaera horiek oso ondorio negatiboak izaten dituzte gazteen ikasketetan, oso erraza baita gustoko ez den klase baten haria galtzea. Irakasle batzuek ere porrot horien eragile zuzenak izaten dira. Denok izaten dugu ekintza okerren bat eta, askotan, ondorio latzak agertzen dira; ikasleren bat bazterturik uzten duen irakaslea, klaseak ondo prestatzen ez dituen irakaslea, arduragabea, ...

Gaur egungo gazteria hezkuntzaren zati handi bat izan dadin, bakoitzaren inguru zuzen denek esku-hartu behar dute, beti laguntza eskaintzeko prest.

Hemen uzten dizuedan enlazean interneteko orrialde interesgarri bat ageri da, bertan eskola porrotaren eraginak eta gazteei nola lagun ahal zaien sakontzen du.

Laster arte!

Errespetua bera al da gaur egungoa eta antzinakoa?

2011-11-08T09:53:00.000-08:00

Aurreko egunekoarekin jarraitzeko, antzinako hezkuntzaz eta baita gaurkoaz ere hitz egingo dut. Errespetu bera diete gaurko gazteek irakasleei antzinako ikasleekin konparatuz? Argi dago ezetz.

Irakasleei errespetua zor zaie euren ikasleen ikasketen parte baitira. Mota askotako irakasleak daude, euren ikasleez arduratzen direnak, gutxiago aplikatzen direnak euren lanean, … baina denei izan behar zaie errespetu minimoa. Desberdintasun handia al dago antzinako eta gaur egungo ikasleen eta irakasleen artean? Bai.

Garai batean, irakasleek zigorrak eta bestelakoak erabiltzen zituzten ikasleek jarrera egokia izan zezaten; adibidez, paretaren kontra jartzea, erregelarekin eskuetan jotzea, … eta lanak egin ezean etxera bueltarazten zieten gurasoek horren berri izan zezaten. Garai horietako ikasle askok, beldurra zuten nagusi eta klasera joate hutsak izutu egiten zituen. Nire ustez, horrek motibazioari ez zion jokatzen uzten eta, ondorioz, ikasle askok ikasketak utziko zituen. Gaur egun, aldiz, ikasle batzuekin neurri gogorrenek ere ez dute balio. Ez da errespeturik nabaritzen klaseetan eta, irakasle askok, ez dute zer egin jakiten. Errespetu falta horrek, klaseak oztopatzen ditu, autoritate irudi hori desagertu egiten baita eta horrela klase orduak aprobetxatzea ezinezkoa izaten da.

Hezkuntzak aurrerapauso bat eman dezan, bi eredu horietako bat ere ez da baliagarri. Bi horien erdian kokatuko litzatekeen hezkuntza-eredu bat beharko litzateke. Errespetuan oinarritutako irakasle-ikasle harremana, zigorrak bidea ez direla pentsatzen duten irakasleak eta horiek bide izan ez daitezen ondo jokatzen duten ikasleak. Hala ere, ezer ez da perfektua, beraz, gaur egungoa hobetzea izan beharko litzateke gizartearen xedea.

Antzinakoa edo egungo hezkuntza?

2011-11-06T07:45:00.000-08:00

Kaixo lagunak! Prest al zaudete gaur ere gazteei buruzko sarrera interesgarri bat irakurtzeko? Goazen ba!

Zuen ustez errespetu bera diete gaurko gazteek irakasleei antzinakoekin konparatuz? Denok erantzunarekin bat gatozela esango nuke.

Argi dago gaurko ereduak eta lehenagokoak ez dutela zer ikusirik, hala ere, kapazak al gara esateko zein den egokiena?

Hasteko, antzinako hezkuntza ereduan, eskolak gela bakar batez eratuta zeuden, ikasle gutxiago baitzeuden. Baliabideak oso eskasak ziren eta, ondorioz, adin desberdinetako ikasleak gela berean eta materia berdina ikasten zuten.

Gaur egun, berriz, eskola batean dela asko topa ditzakegu eta adinaren arabera maila desberdinetan bananduta daude. Lehen idazlumak eta tinta erabiltzen ziren idazteko tresna gisa. Egungo hezkuntzan, ordea, mota ezberdinetako boligrafoak, arkatzak, ... erabili ohi dira. Gauza sinpleenak kontuan hartzen baldin baditugu ere, aldatu egin direla ikus dezakegu; adibidez, ikas-mahaiak.

Hori guztia esanda, esan beharrik ez dago teknologia berrien inguruan, antzina batean ez zuten gaur egun dauden sistema berrietatik bat ere ezagutzen. Baina orduan, non bilatzen zuten informazioa lan bat egiterako orduan?

Liburutegiak existitzen ziren, baina ez gaur egungo liburu multzoekin. Garai batean, oso liburu gutxi egoten ziren herritarrentzat eskuragarri. XXI. mendean hainbat eta hainbat liburu erabil ditzakegu informazioa bilatzeko eta, horrez aparte, teknologia berriak ditugu; ordenagailuak, internet-a, ... Eta zer esanik ez orain gutxi eskola askotako geletan jarri dituzten arbela digitalei buruz.

Hona hemen horri buruzko bideo labur bat:

Hori guztia kontuan hartuta, esan dezakegu antzinakoa baino askoz ere antolatuagoa dagoela gaurko hezkuntza. Gazteentzat errazagoa da hezkuntzaren parte sentitzea eta, gainera, lan egitea ere dibertigarri eta dinamikoagoa bilakatzen da.

Honekin batera, hainbat desberdintasun aipa ditzakegu Franco garaiko hezkuntza eta gaurkoa konparatuz gero:

Diskriminazioa
Sexu desberdintasunean rol desberdinak
...

Erasotzaileek zergatik jokatzen dute horrela?

2011-11-05T09:01:00.000-07:00

Jazarpen egoera eragiten duten erasotzaileek, berezkoa dute nortasun hori?Zerk egin du euren jokaera horren zapaltzailea izatea? Familiak soilik al dira euren arduradunak? Nire blogean halako galderak erantzun barik daude oraindik, bada ordua horiek sakontzen hasteko.

Eskoletan agerian egoten dira zapaltzaileen portaera gaiztoak, euren klasekide ahulenei jaurtitzen dizkieten irainak. Beharrezkoa litzateke gazte horien etxeetako egoerak aztertzea, ea nolako harremanak dituzten beraien guraso eta neba-arrebekin. Heldu askok ez diete atentziorik prestatzen euren seme-alabei eta, ondorioz, azken horiek etxetik kanpo ateratzen dute pilatutako tentzioa.

Argi dago, familiek lehentasuna dutela gazteen hezkuntzan esku sartzeko eta arduradunez hitz egitean euren izena ageri dela, baina irakasleek ere nolabaiteko ardura dute haurrengan, nerabe askok etxean baino denbora gehiago ematen dute eskolan edo eskolaz kanpoko ekintzak egiten, beraz, gurasoekin ezin izaten dute harreman esturik izan.

Erasotzaileen gehiengoen itxura sendoa izaten da, euren buruaz harro eta seguru daudela ematen du, baina errealitatea ez da hori izaten. Sekulako segurtasun eza izaten dute pilatuta eta besteen bizitzaz inbidia sentitzen dute, horregatik, erasotzera mugatzen dira. Euren bizitza hondoratuta ikusten dutenez, gainerakoena berdin egon arte ez dute amore ematen.

Behean ikus dezakezuen bideoan, Fito izeneko mutil bat ageri da, bere klasekideei irainak esaten die eta ahal duen heinean, jazarpen egoerak eragiten ditu. Klaseko mutil eta neska batzuek, horren boterea ikusita, imitatu egiten dute eta, nolabaiteko, errege gisa dute Fito. Etxera joatean ere, ez du egoera hoberik aurkitzen bertan, aita mozkor eta ama garrasika ari zaizkio egunero eta ez du bertako giroa jasaten. Egun amaieran, beste ume batzuk pozik eta elkarren artean jolasean ikusten dituenean, Fito triste sentitzen da, badakielako berak ez duela inoiz hori lortuko.

Horrekin argi utzi nahi dut, erasotzeari ekiten dioten gazteei ere laguntza eskaini behar zaiela, etxeko egoera dela eta, edo bestelako arrazoien bategatik jokatzen dute horrela, eta begira gelditzeak ez du jazarpen egoera hau geldiaraziko. Irakasle edo beste helduren bati komunikatuz gero egoera hauetaz, arazoari aurre egitea errazagoa da.

Argala izatea al da bide bakarra?

2011-11-05T04:33:00.000-07:00

Gaurkoan ere hemen naukazue, zuen interesak asetzeko asmoz! Ondoren, eskolako harreman txarrek eragiten dituzten egoerei buruz hitz egingo dut, batez ere, fisikoarekin obsesionatutako gazteek eragiten dituzten egoerei buruz.

Badirudi gaur egungo gizartean barneraturik egoteko eta baita adiskide gehiago izateko beharrezkoa dela argal egotea. Baina itzurakeri guzti hori benetan beharrezkoa al da norberarekin ondo sentitzeko ala guk gure beldur propioak estaltzeko erabiltzen dugun arma soilik ote?

Batez ere, neska gazteen artean erabilia da "gero eta argalago egon orduan eta hobeto barneratuta egongo zara gizartean", besteen nahiak gure printzipioen gainetik ipintzen direlarik. Baina ez gara konturatzen berez geure burua soilik engainatzen dugula eta poztazuna lortu beharrean ahultasun eta tristezia datorkigula. Bada garaia itzurakeri guztiak albo batera usteko eta gure ametsak bizitzeko, kalera irten eta jendearekin harremanetan jartzeko, jaramonik egin gabe gainontzekoek gure jokaerez zer pentsatzen dutenari, izan ere, inor ez da jabe norberen nahiak ukatzeko eta inork ez dauka eskubiderik besteen ametsak zapaltzeko.

Jokaera horiek guztiek, hainbat ondorio ekartzen dituzte; adibidez, jateari uztea, gurasoekin behin eta berriz eztabaidan aritzea, depresioa eta suizidioa, ...

Eskola jazarpena

2011-11-04T05:11:00.000-07:00

Hemen nago berriz ere!

Jarraian, gazteek eskolan jasaten dituzten tratu txarrei buruz hitz egingo dizuet, bullying-a deritzona. Ez dira zertan jazarpen fisikoak soilik izan behar, psikologikoak ere izan daitezke eta, askotan, azken horiek fisikoek baino eragin gogorragoak izaten dituzte.

Eskolan gertatzen diren tratu txarrak ikasle batek eskolan bere klasekideen partetik jasotzen dituen eraso-egoerak da. Gehienetan, jarraia izaten da egoera hau. Tratu txar horiek gutxiespenak, irainak, txantxak, kolpeak eta beste motatako eraso fisiko eta psikologikoak izaten dira, gehienetan, eskola orduetan jasandakoak. Erasotzaileak botere garrantzitsua izaten du gelan, geheiengoak manejatzen dituelarik eta, horrez gain, bi edo hiru klasekideren laguntza ere izaten du. Azken horiek erasotzailearen menpe egoten dira eta ikasle ahulena erasotzen dute, botere gehien duen klasekidearen adiskidetasuna lortzeko asmoz. Egoera horiek azaltzerakoan, erasotua oso ahul sentitzen da eta ezin izaten ditu jazarpen gogor horiek jasan. Ondorio gisa, honakoak ditugu: stressa, estutasuna, beldurra, depresioa eta mugako kasuetan , biktimak suizidiora ere heldu izan dira. Eskola jazarpena beti agerian egon den arazoa izan da, hala ere, 1970. hamarkadan Dan Olweus irakasle norvegiarra arazo hori aztertzen hasi zen.

Dan Olweus psikologo norvegiarrak estrategia berri bat sortu zuen, zeinek eskola jazarpenak murriztu dituen munduko herrialde desberdinetan. Berak dioenez, ikasgelan ikasle guztiek jarrera bera izatearen ideia zaharkitua dago.

Orain gutxi, Psikologiako Gizarte Amerikarra-k (EE.UU.) dokumentu bat ezagutarazi zuen, eskolan gertatzen diren tratu txarrak murrizteko Olweus-ek eratutako estrategiei buruzkoa. Dokumentu horiei esker, Europan eta Estatu Batuetan eskolako tratu txarren tasa %30etik %50era jaitsi zen, horrekin batera, bandalismo kasuak, alkoholaren gehiegizko kontsumizioa eta baita klasera ez joatearen kasua ere.

Olweus-en modeloak honako pausuak jarraitzen ditu:

Giro ona sortzen duten helduak

Psikologoak dioenez, tratu txarrak eragiten dituzten arrazoi bat zera da: umeekin kontaktuan dauden helduak ez egotea. Beharrezkoa da, beraz, harreman itxiago eta giro egokiak sortzen dituzten helduak umeekin kontaktuan egotea, bai etxean eta baita eskolan ere. Horrekin batera, gazteen interesak ere ezagutu behar dituzte heldu horiek. Gazteak baloratuak sentitzen badira, euren autoestimua sendotzen da eta zailagoa bilakatzen da ume erasotuak izatea.

Limiteak

Psikologoaren ustetan, irakasleek eta baita ikasleek ere eskola komunitateak onartutako eta baztertutako jokabideen definizioan parte hartu behar dute. Ikasleen parte-hartzea ezinbestekoa da, horrela, euren eskolarekin nolabaiteko konpromisoa dutela sentituko dute, baita ikaskideekin ere. Ondorioz, arauak betearaziko dituzte, eurek sortutako arauak.

Berehalako zigorrak

Zigorrei dagokienez, pasarteren bat gertatu bezain laster, jokatu egin behar da. Baina ez dira zigor fisikoak ezta mugatuak izan behar. "Ideia zera da: gertatutako pasartea adibidetzat erabiltzea, ikasleek eurek definitu dezaten zer egin behar den jazarpenak geldiarazteko", dio Rosa María Olave, eskolako biolentziaren prebentzioan aditua.

Paper positiboak

Gainera, dio Olweus-ek, beharrezkoa da eskolako paperak banatzea eta ondo definitzea nortzuk izango diren autoritateak, nortzuk nolabait, ikasleekin kontaktuan egongo diren. Hezitzaile horiek ikasleen ohiko dinamiketan inplikatzen direnean, eurekin jolasean eta elkarrizketan, entregatutako orientazioak hobeto jasoak izango dira.

Erraza al da lagunak egitea?

2011-11-04T03:32:00.000-07:00

Egunon blog jarraitzaileak!!

Lagunak beharrezkoak dira bizitzan aurrera egiteko, baina horren erraza al da lagun onak aurkitzea?Esan beharra dago, benetako lagunak esku bateko atzamarrekin kontatzen direla eta gainontzekoak ezagunak baino ez direla izaten. Hala ere, gazte batzuek besteek baino zailtasun gehiago izaten dituzte adiskideak topatzerako orduan eta, horregatik, klase orduetan bakarrik egoten dira, inorekin komunikatu gabe.

Ba al dago gidarik gainontzeko pertsonek begi honekin ikus gaitzaten? Ez. Pertsona bakoitzak izaera propio bat du eta hori ezin daiteke erraz aldatu. Hala ere, badaude pausu batzuk, askotan, jarraitu beharko liratekeenak:

Jarrera lagunkoia izan. Jendea ondo sentitzen da euren lagunei gauzak aurpegira esaten dizkietenean, baina jakin beharrekoa da besteek ere sentimenduak dituztela eta pentsatzen den guztia ezin dela birritan pentsatu gabe esan, horrelakoetan, euren aldamenetik aldentzea baino ez baitute lortzen.

Irribarre egin. Inguruko ezagunei irribarre batekin agurtu behar zaie, eurekin adiskidetasun bat izateko nahia helarazteko.

Jendearen izena ikasi. Ez dago sentimendu politagorik norberaren izena entzutea baino, beraz, klasekideen eta ezagunen izenak ikastea oso garrantzitsua da.

Entzule on moduan agertu. Gainontzekoen istorioak entzutea ezinbestekoa da lagunak mantendu ahal izateko. Besteekin pazientzia izatea beharrezkoada.

Besteen gustuak ezagutu bezain laster, horiei buruz hitz egin pertsona horiekin.

Bakoitzak bere akatsak onartu. Zerbait txarto egin ezkero, barkamena eskatzea lehenbiziko gauza izan behar da.

Ez hitz egin norbere buruaz bakarrik.

Besteen alde onak esan. Besteek eskertu egiten dute euren alde onak nagusitzea.

Ezin da beti irabazi. Eztabaidetan ez du inork irabazi behar, beraz, norberaren burugogortasuna erakusteak ez du pertsona hori hobe bihurtuko.

Honekin guztiarekin, lagunak topatzea ekintza errazagoa bihur daiteke, baina ez da beti horrela izaten. Gazte askok euren aurpegi alai eta lagungarriena azalaratu arren, ez dute beste pertsona batzuekin komunikatzeko aukerarik izaten eta hori, hala edo nola, aldatu beharra dago.

Lagunak behar direnean beti hor egongo dira eta euren eskua eskaintzen dute. Adiskidea aldamenean daudela ikusterakoan, mantentzea da hurrengo pausua, horren erraza ez dena.

Adiskide taldeak, norberak hautatutakoak edo aukera bakarra?

2011-10-28T02:25:00.000-07:00

Kaixo neska mutilak!

Gaurkoan, gazteak murgiltzen diren adiskide taldeei buruz hitz egingo dizuet. Argi dago nerabetasuna nortasuna finkatzeko garaia dela eta urte horietan hasten direla euren adiskideak bilatzen, erabaki horiekin heltze prozesua eratzen dute. Baina norberak hautatutakoak edo ditugun aukera bakarrak al dira? Ez dut oso argi erantzuna, hala ere, denetarik dagoela esan dezaket.

Orokorrean, nerabetasunean bakoitzaren lehentasunak kontuan hartuta batzen dira eta zehatz-mehatz sexu berekoekin. Adiskide talde bat izateak, askatasun moduko sentimentu bat ematen dio gazteari, familiatik aldentzeko arrazoia. Horrekin batera, gizartearen parte sentitzen dira lagunak dituela dakien puntutik eta, beraz, eremu pertsonalean ere hobeto sentituko da. Hala ere, nerabe guztiek ez dute erraztasun bera lagunak bilatzeko unean.

Batzuei zera gerta dakieke: ikasgelan talde txikiak sortzen hastea eta bertan ezin izatea jende berria sartu, hau da, talde horiek harresiekin inguratzen dituzte eta ez diote inori sartzen uzten. Morin J.-k zioenez, mutilen taldeak zabalagoak izaten dira eta errazagoa izaten da sartzea eta irtetea bertan ezarritako arauak bete ezkero. Nesken kasuan, ordea, taldeak txikiagoak eta itxiagoak izaten dira, ez diote edozeini sartzen uzten, adiskidetasuna hurbilagoa eta pribatuagoa izaten delako. Hori horrela izanda, klaseko ikasle askok ez dira taldearen parte sentitzen eta, ondorioz, euren egoeran dauden beste klasekideren batekin batzen dira, horrela, beste ezaugarri batzuetako taldea sortzen dutelarik. Ikasgelako "ospetsuenen" kasuan, taldeak eratzerakoan eurek jartzen dituzte arauak, beraz, eurek aukeratzen dute norekin erlazionatuko diren eta norekin ez duten hitzik egin nahi. Hain ohikoak ez diren, baina askotan entzuten diren kasuak ere aipatzea garrantzitsua da: hemen ez han lagunak aurkitzen ez dituzten gazteak ere badaude, orduak bakarrik pasatzen dituzten nerabeak eta etxera heltzerakoan familiarekin ere txarto sentitzen direnak. Eurentzako klasera joatea inposaketa bat da, ez baitaude bertako jendearekin gustora eta hortik alde egiteko irrikitan egoten dira.

Hori guztia esanda,familiek ere euren aportazioa jarri behar dutela uste dut, askotan, gazteen sozializazio porrotak etxean dituzten komunikazio ezaren ondorioz gertatzen baitira.

Gaurkoz bukatutzat ematen dut nire lana!! Hurrengorarte!!

Gazteengan eragiten duten influentziak

2011-10-21T11:39:00.000-07:00

Hasteko, gaiari buruzko sarreratxo bat egingo dut.

Nolako influentziak dituzte gazteek? Onak ala txarrak?
Erlazionatut ahal daude influentzia horiek ikasketekin?
Gazteek ba al dakite desberdintzen ona eta txarra dena?
...

Gai honi buruz hainbat galdera egin ahal dizkiogu gure buruari, baina nork daki erantzun egokia? Nire blog honen xedea horixe izango da, internetetik informazioa bilatuz eta nire iritziak kontuan hartuz, gazteen inguruko egoerak sankontzea.

Taldeko lider-a osasuntsua baldin bada, talde osoak jarraituko ditu ohitura on horiek. Hori dio interneteko web-gune batek: http://www.demujeramujer.com.ar/sermadre_familia/hijos/influenciamigosadolesc.html Hamabi urte betetzen dituztenean, gazteak adiskide-talde mugatuago bat bilatzen hasten dira, pertsona gutxiko taldeak izaten dira, lau edo bostekoak, eta eguneroko bizitzan egiten dituzten ariketa guztiak elkarrekin egitera mugatzen dira: kalera batera irteten, hitz egin, zaletasunak elkartrukatu, euren lehen maitasuak kontatzen, ...

Talde hauek eskolan, extraeskolarretan, kalean, ... sor daitezke, eta euren xedea nagusietatik urruntzea izaten da.

Alde batetik, esan beharra dago adiskide multzo horietan ohikoa dela lider bat egotea; nortasun gogorrago bat duelako, ... eta gainerakoak bere pausuak jarraitzeari ekiten diote. Horregatik esan ohi da, taldeko "nagusiak" ohitura osasuntsuak baditu, gainerakoek ere izango dituztela seguruenik. Bestalde, ohitura txarretan sartzen diren gazteak ere badaude; alkoholean, drogetan, bandalismoetan, ... eta adiskide ahulagoetan errazegi eragiten dute, azken horiek ere ekintza horiek on bezala ikusten hasten direlarik. Gainera, holakoetan, umeak ez dira ausartzen gurasoengana jotzen, uste baitute ez dietela ulertuko. Nesken joera negar egitea izaten da, mutilena gogo gabe entzutea izaten den bitartean.

Horrekin esan beharra daukat, gurasoek euren umeen adiskide taldea influentzia txarregia dela ikusten baldin badute, euretaz banatzea lortu behar dute.

Web-gune interesgarriak

2011-10-09T13:34:00.000-07:00

Hemen ikus ditzakezue nik aukeratutako gaiarekin erlazionatutako web orriak. Argi dago gazte guztiek ez dituztela ohitura hauek izaten, baina gehiengoen eguneroko bizitza islatu bahi izan dut ondorengo web orrietan.

Gazteek eskuragarri dituzten sareak
Nerabeek ikusten dituzten programak
Euren ohiturak
Interneten erabiltzen dituzten orriak
Euren interesak
Informazioa bilatzeko bisitatzen dituzten web guneak
Musika deskargatzeko erabiltzen dituzten programak
Tradizioak apurtu dituzten teknologia berriak
Gazteak nola eboluzionatzen diren erakuzten duen web orria
Gazteongan eragiten duten influentzia on eta txarrak

Gai orokorra

2011-09-28T10:15:00.000-07:00

Nire blog-ean jorratuko dudan gaia gaur egungo gazteena izango da. Euren eguneroko bizitzan izaten dituzten ohiturez eta hezkuntzan betetzen duten tokiaz hitz egitea izango da nire betebeharra.

Gai hau aukeratu dut abiapuntu gisa uste dudalako oso zabala dela eta honetaz asko hitz egin ahal izango dudala. Horretaz aparte, interes handia pizten duen gaia dela uste dut eta baita eztabaida asko sortu ditzakeena ere.

Hainbat informazio multzo aurkitzen saiatuko naiz, sarrera hauekin irakurleak erakartzeko asmoz. Gainera, adin guztietako jendeari inkesta desberdinak pasatuko dizkiet, horiekin gaur egungo benetako egoera ezagutu ahal izango dugu eta baita herritarren iritzia horri buruz.

Honekin guztiarekin, utzi egingo zaituztet, hurrengo asterako gure gazteriari buruzko lehen sarrera igoko dut, espero dut zuen gustokoa izatea!

Agur!

Nire aurkezpena

2011-09-24T06:12:00.000-07:00

Kaixo guztiei!

Ni Leire Zuluaga naiz eta hasi berria naiz blog-aren sistema honetan. Gaur nire buruaren aurkezpena egingo dizuet, horrela, niri pixka bat ezagutzen hasiko zarete.

Ugao-Miraballesen bizi naiz, bizkaiko herri txiki batean, eta egunero hartzen dut autobusa Leioako Euskal Herriko Unibertsitatera joateko. Hemeretzi urte beteko ditut datorren hilabetean, urriaren 12an eta magisteritzako bigarren urtean nago. Ez dut inoiz umeekin lan egin eta sekulako kuriositatea neukan ea irakasle izan nitekeen, horregatik aukeratu nuen karrera hau.

Blog-arenkontu honetan ere ez naiz inoiz murgildu, horrexegatik, lehenengo egunetan nahiko esfortzu handia egin beharko dut gauzak ondo irten daitezen.

Astero blog berri bat igoko dut hona eta zuek irakurri ahal izango duzue, espero dut zuen gustokoa izatea!

Hemen uzten dizuet oso gustoko dudan abesti bat:

Gustora bizi!

2011-09-23T03:35:00.000-07:00

Kolore, kolore ta gustu guztiak,

denontzat, denontzat ez dira berdinak.

Urdina...zuk nahi duzu urdina
nik maiteago horia
bien artean berdea sortuko da
ezkerra, eskuina, gibel edo aintzina
bakoitzak bere bidea
berarentzat onena!

Kolore, kolore ta gustu guztiak
denontzat, denontzat ez dira berdinak.

Amaia, Jonekin maitemindua
zoritxarrez Arantxa da
Jonen amodioa, ze lastima!
alboan beti dauzkat
bai Olga ta bai Olatz
eta nik maitatzen dut Amaia
mundua gaizki egina da!

Kolore, kolore ta gustu guztiak
denontzat, denontzat ez dira berdinak.

Denon gustuak desberdinak dira eta, horregatik, guztiak errespetatu behar ditugu!